NAHADLOK NGA NALIPAY


blessed sacrament
Pope John Paul II Exposing the Blessed Sacrament

Wa ko kabalo ug mahadlok ba ko ug malipay ba. Ingon ani man gud. Gahapon sa alas-11:30 sa buntag, human sa among klase, aduna mi’y stillness atubangan sa Blessed Sacrament sulod sa among kapilya. Natunong pod to nga nakulangan ko’g tulog, so gikan pa sa among klase nagduka na gyud ko kaayo hangtud pa sa among pag-adto sa kapilya.

So, sulod sa 30 minutos, didto mi sa chapel ug namalandong. Nag-ampo ko didto, nagtutok ug namalandong sa Balaang Sacramento. Apan tungod lagi kay duka na man jud kaayo, wa nako napugngan nga mo-ukbo sa lingkoranan nga naa sa akong atubangan. Usa pa, dili lang man pod ako ang nagbuhat sa ingon. So, sa direktang pagkasulti, nakatulog gyud ko kadugayan.

Apan unsa bang pagka-unsaa nga nabati man nako nga adunay usa ka tudlo nga mikuhit sa akong likod.. Nakamata ko. Sa primero, wa pa nako panumbalinga kay nagtuo ko nga kauban ra to nako sa likod ang nagkuhit para makamata ko. Pero,nikuhit na pod ug utro hangtud sa ikatulo, milingi na jud ko sa akong luyo. Nalimot man ko nga kato diay akong gilingkoran katapusan na diay tong lingkoranan. Wa na’y tawo sa akong luyo, ug ako ra pod isa ang naglingkod didto. Gitan-aw nako ang akong mga kauban, ang uban natulog nga nag-ukbo pod, ang uban nagluhod, ug ang uban nagpiyong nga namalandong pero basin natulog ra pod to. Ambot ug ila ba kong gibinuangan.

Sa walang linya sa mga lingkoranan, naa ko’y kauban nga naa sa akong luyo. Pero ang akong gilingkoran kay naa man sa tunga nga linya, so layo-layo pa gihapon siya sa ako. Naghuna-huna ko nga basin siya ang mikuhit para pukawon ko.

Pagkahuman sa among stillness, giduol dayon nako siya. Nangutana ko kung siya ba ang mipukaw nako, dili daw. Nangutana pod ko ug kita ba siya nga naay miduol ug mipukaw nako, wala pod daw. Sa iyang nakita, tapot ang tanang tawo sa ilang lingkoranan.

Nagsagol ang akong gibati pagkadungog nako. Nahadlok ko nga nalipay. Nalipay nga basin ang Ginoo maoy mipukaw nako ug nahadlok kay wala nako siya panumbalinga diha sa Balaang Sacramento.

Sa nakagawas na ang akong mga kauban, nagpabilin ako. Nangayo’g pasaylo sa Ginoo.

Advertisements

3 thoughts on “NAHADLOK NGA NALIPAY

  1. Dinhi sa walog sa mga luha, aduna ta’y mga katabang nga mao ang mga anghel. Mao dagway ang nipukaw nimo nga gisugo sa Diyos nga pukawon ka.

    Pag-pugong gyud ug buhata ang tanan para sa lawasnong disiplina:

    “Subalit sinasanay ko at sinusupil ang aking katawan,
    upang sa gayo’y hindi ako maalis sa paligsahan
    pagkatapos kong mangaral sa iba.”
    (1 Corinto 9:26)

    • Thanks for the verse Franz. It really hits me to the core.
      Adunay posibilidad nga anghel kato. Kaswerte pod nako ug mao man gani, gikuhit ko ug anghel…..c”,)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s